Nov 13, 2018

Serej im Sattler

Dr Serej isch im Sattler gsi, am nüni hüt in Bärn. Är het sini neui Plattä “I Hane Idee Gha” am Publikum vorgsungä mit äm nä Klavier und äm Micha wo het Schüüm usg´schänkt derzuä.

Ä Idee het är auso g´ha dä Serej usäm Oschtring. Und zwar anstatt äs Hip Hop Aubum mau öppis chli angers dar z´biätä. Äs scho fasch klasischs Bärner Trubadurä-Plättli. U das isch nim glungä. Mit derä neuä musikalischä Plattform het är Glägäheit äs paar andäri Seitä ufz´ziäh und Iblick z´gwährä inä Teil vo sirä G´füälswält, wo bim Räppä äuä nid immer Platz het. So chömä di Liäder mit zartärä Tön derhär. Mau melancholisch, mau mit chli Schalk, ohni Brimborium aber immer ehrlich. Ä Mah mit sim Blofi, sim Schriblock und äm nä Klavier. Mit äm Matter im Rüggä aber glich eigäständig und o dr Räpper-Serej drückt hiä u da mau dürä.

Choufä chamä das Aubum bim Serge ir Rathuusgass oder süsch irgendwo.

 

 

Leave a comment